YOUR EXISTING AD GOES HERE
أخبار عربية

ماذا سيقول هؤلاء عن مبادرة ائتلاف الكرامة لتجريم البغاء؟

قال النائب عن ائتلاف الكرامة عبد اللطيف العلوي في تدوينة له في صفحته على مواقع التواصل الاجتماعي “فيسبوك”: سنقدم مبادرة تشريعية تهدف إلى تجريم البغاء باعتباره شكلًا من أشكال الاتّجار بالبشر، وغلق المواخير…”.

وأضاف في تدوينته، تعليقًا على هذه المبادرة التشريعية، وما يمكن أن يصاحبها من جدل، مثلما حصل مع اللائحة التي قدمها ائتلاف الكرامة يدعو من خلالها فرنسا الاعتذار لتونس والتونسيين: ”

النهضة: موش وقتو، وتجربتنا مستهدفة، وكان جيتو في الحكم راكم تعرفوا آش يقاسي بو العايلة!
حركة الشّعب: بعثتوا شاورتو الرّئيس؟ عندكم أنتم شرعيّة الرّئيس؟! انتخبوكم ثلاثة ملاين تونسي كيف الرئيس؟!
التّيّار: احنا قلنا نحبّوها قويّة وعادلة، ومن حيث المبدأ ماناش ضدّ، آما راهو كي قلنا برنامجنا محاربة الفساد موش نقصدوا في هاضاكا!
الزغراطة: الله أحد الله أحد! يا شعب شوف، هاهم ظهروا على حقيقتهم، ويحبّوا يدمّروا أركان الدولة البورقيبية المدنية الحداثية وحقوق المرأة اللي نحالها بورقيبة السفساري!
يسار البلعة: هاي النّظرة الإخوانية المتخلّفة، هاذوما ناس يعتبروا جسد المرأة عورة!!!
وفاء ساطور: سنقاومهم بالصّدور العارية، وكان لزم موش بالصّدور بركه!
منذر كفراج: (ماهوش لاهي، لاهي يكفرج).
اتّحاد الشّغل: استعدّوا لمعركة كسر العظام، وهذي مؤسّسة عمومية وسندافع عن كل المناضلات فيها بالإضرابات والاعتصامات ووين يطيح الليل نبات!
الصافي سعيد: شو هذا مبغى والشِّيء لزوم الشِّيء، وانتم ماكم فاهمين حتّى شِيء، عشان ماكم مطّلعين على التّجارب المقارنة في فينزويلا وتايلاندا وأنا كتبت ستمية صفحه عن الاقتصاد الجنسي في العالم الثالث بس انتم ما بتقروا شِيء …
الفخفاخ: أنا حطّني الرّئيس وما نعترف كان بالرّئيس، يقلّي سكّر نسكّر يقلّي حلّ نحلّ، وفوق هذا ودونو احنا رانا جينا باش نبدلوا اللّوجيسيال القديم موش نسكّروه ضربه وحده!.
ألفة يوسف: ظاهر اللي الجماعه يحبّوا يسكّروا الكذا باش يشجّعوا جهاد النّكاح، آما دوّوويييووووو!
الشيخ المتهنتل: يا نااااري راسي تعرّى!
بعض القنوات الإعلامية: أيواااااه، يحبّوا يسكّروا دور البغاء معناها جايينا في الطّريق!!
محمّد العفّاس: ياسيف الدّين، قتلك راهم باش يهيجوا علينا، هات نعملولهم مبادرة بعدها متع تعدّد الزّوجات تو يتلهاو فيها وينساو هذي! يا سيف آمان يا سيف! شبيك حاقرني ياسيف والله نحكي بجدّي يا سيف! يا علوي قول رايك بشجاعه تره شبيك ساكت أنت مع تعدد الزوجات ولاّ ضدّ يا علوي! تي قول شبيك خايف؟.
العلوي: سامحوني عندي قضية صغيرة في البينين، سويعه ونرجعلكم”.

READ  الشيخ سعيد الجزيري يستعيد مقعده من حركة الشعب
الوسوم

محمد رجب

صحافي وتربوي، عمل في عديد الصحف الورقية والمواقع الإلكترونية منها إيلاف والعرب اليوم وإرم نيوز والشارقة 24 والتقرير وقنطرة.

مقالات ذات صلة

اترك رد

زر الذهاب إلى الأعلى
إغلاق
إغلاق

أنت تستخدم إضافة Adblock

برجاء دعمنا عن طريق تعطيل إضافة Adblock