YOUR EXISTING AD GOES HERE
أخبار العالمأخبار عربية

بروفيسور جمايكي يشخّص الأزمة السياسية في تونس

حوار مع بروفيسور جامايكي حول الأزمة السياسية في تونس

الأستاذ نصر الدين السويلمي

 

تو يجي بروفيسور في العلوم السياسية من جامايكا، ما عندوش فكرة على تونس.
كي يوصل يسمع بيها خايضة
يسأل يقولولوا مشاكل سياسية حادة
يقلهم هي اعملوا ثورة باش تنحوا الظلم
يقولولوا عملنا الثورة وهرب الظلم..
يقول أي مالا اعملوا ديمقراطية باش تتفاهموا
يقولولوا عملنا وما تفاهمناش
يقول اعملوا انتخابات والي يفوز يحكم
يقولوا عملنا والي فاز مانحبوشوا يحكم
يقلهم مالا شوفوا الي فاز في انتخابات سابقة
يقولولوا هو نفسو
يقلهم شكون هو؟
يقولولوا حزب النهضة..
يقلهم باهي اما خير والا يسيل الدم.. شوفو حزب عندو الشرعية التاريخية خلي يحكم حتى تتفاهمو.
يقولولوا النهضة عمرها 50 عام
يقلهم ملا شوفوا الحزب الي عندو الشرعية السجنية
يقولولوا النهضة عندها 30 الف سجين
يقلهم مالا احسن حل شوفوا الحزب الي عندو اكثر مهجرين
يقولولو النهضة عندها مهجرين متفرقين على اكثر من 50 دولة حول العالم
يقلهم مالا احسن حل شوفوا الحزب الي دفع اكثر شهداء خلي يحكم
يقولولوا النهضة عندها عشرات الشهداء
يقلهم مالا وحلة”يقولهالهم بالجمايكية” مالا تعرفوش كيفاش
شوفوا اكثر حزب فاز بالانتخابات وخليه يحكم انطلاقا من تجربتو!
يقولولوا النهضة تأسيسي –تشريعي- بلديات
يقلهم ثمش حزب منا والا منا فاز قبل الثورة في انتخابات وما حبش ليه النظام السابق… زرفوه يحكم وخليكم من النهضة
يقولولوا النهضة عام 1989
يقلهم يا وجوه اللوح باش باش تقابلو وجه الشعب! عندكمش علقّل واحد مدفون في عرصة؟
يقولوا ثم واحد برك في تونس
يقلهم ممتاز هذا تعملوه مدخل بطولي وتحكموا بيه
يقولولوا اما حتى هو متاع النهضة!!!
يقلهم ثمث واحد رموه من عمارة
يقولولوا أي أما من النهضة
يقلهم ثمش شكون عندو أحكام متاع اعدامات سياسية في عهد القهر يتكى عليها ويحكم؟
يقولولوا موجودين اما نهضاويين
يقول باهي سيب علينا من هذا الكل ، ادخلولهم عن طريق المراة، عندكمش نساء حفت رجليها قدام السجون وطيبت ليها القفف يديها وارعبوها زوار الفجر وتكركرت من شعرها.. هذا مدخل باهي يجيب التعاطف
يقولولوا أي، أما لكلهم نساء النهضة
يقلهم عندكمش اطفال ايتام من حقبة الاستبداد؟
يقولولوا اطفال النهضة
عندكمش أرامل
يقولولوا أرامل النهضة
يقلهم، أي عاد لاكم من الرجال لاكم من النساء لاكم من الذري، لاكم من الشهداء لاكم من السجناء لاكم من الشرعية الانتخابية لاكم من الشرعية السجنية لاكم من الشرعية التاريخية ، لا نجحتوا في صفوف مكاتب الاقتراع لا نجحتوا في صفوف لحباس لا مشيتوا في جنائز الشهداء لا شڨيتوا البحر لا شڨيتو الصحراء لا شڨيتوا الكفرة لا دفنتوا ناسْكم في اثيوبيا لا ذريكم بلعها نهر النيل… أي باش داخلينا مالا؟!!!!
سيدي داخلينها بثقبة في الدستور، بخوشناها بصبعنا حتى وساعت، وسمّلنا باسمالله وززنا برجلينا ليسار!!!!!!!!!!!!!! حتى ليمن متاعهم ما نحبوهاش!.

محمد رجب

صحافي وتربوي، عمل في عديد الصحف الورقية والمواقع الإلكترونية منها إيلاف والعرب اليوم وإرم نيوز والشارقة 24 والتقرير وقنطرة.

مقالات ذات صلة

اترك رد

زر الذهاب إلى الأعلى
إغلاق
إغلاق

أنت تستخدم إضافة Adblock

برجاء دعمنا عن طريق تعطيل إضافة Adblock